Monday, October 09, 2006

വേനല്‍ക്കിനാവുകള്‍

കത്തുന്ന മീനച്ചൂടിലെരിപൊരിസഞ്ചാരംകൊണ്ടിട്ടിറ്റു
വെള്ളത്തിനായ്‌ നീങ്ങുന്ന കാലികള്‍
വാടുന്ന പൂക്കളും തളിരും മരങ്ങളും
വാടികളിലെല്ലാം നിത്യമാം കാഴ്ചകള്‍
വെയിലിന്നഘോരമാം താപം സഹിക്കാതെ
തളരുന്ന മര്‍ത്ത്യന്‍;നിതെന്തു പരീക്ഷണം.
കൃത്തിമക്കാറ്റേറ്റു മയങ്ങാന്‍ ശ്രമിക്കവേ
യെത്തിയാ വില്ലന്‍ 'വൈദ്യുത വിച്‌ഛേദനം'
സ്വച്ഛന്ദമാരുതനൊളിച്ചു കളിക്കുന്നാല്‍-
മരച്ചില്ലകളെല്ലാം നിശബ്‌ദമായ്‌
കോളകള്‍ നിരത്തുന്ന വഴിവാണിഭക്കാര്‍ക്കിനി-
'കോളായ്‌',കൊള്ള ലാഭം വാങ്ങാന്‍!
സ്വര്‍ഗവും നരകവും ഈ ഭൂമിയിലെന്നു കവി-
പാടിയതിലൊരു പകുതി സത്യം;നരകം യഥാര്‍ത്ഥ്യമായ്‌
മറുപകുതി സത്യം ഫലിക്കുമൊയീ ജന്മം,
അറിയാതെ സ്വപ്‌നങ്ങളിലൂളിയിറങ്ങി ഞാന്‍.

2 comments:

pastor said...

hi chemabakan i think story writing is better for u rather than poem writing.it's good but what happenned is, the initial entry was too good with 2 stories and if any article goes below that standard will be treated understandard.
keep doing ur good work. waiting for the next story(chembakan special)

കരീം മാഷ്‌ said...

അയ്യോ! കവിത,
ഇതു ഉമേഷോ,ഫൈസലോ,കണ്ണൂസോ മറ്റു അറിയാവുന്നവരോ നോക്കി അഭിപ്രായം പറയട്ടെ!